في شي أحلى من الحلااااااو....؟؟؟؟؟؟؟؟؟؟؟؟؟؟؟؟

السلام عليكم اخواني وأخواتي ....... طبعا من العنوان يطري على بالكم إن في شي أحلى من الحلاو راح أقولكم عنه ولكن للأسف ...... مو هذا المقصد .........

طبعا أنا كتبت الموضوع هذا بالقسم هني لأنه ما في قسم للمواضيع العلمية و لكن هذي البداية بإذن الله و الله يوفق الجميع لما يحبه ويرضاه ..


السالفة ومافيها إن مافي أحد ماياكل حلاو إلا إلي يعانون مشاكل في الأسنان ولو كانت أسنانهم صاحية جان ماخلو حلاو إلا وكلوه 


بس إلي كلنا ماننتبه له إلي أهو شنو داخل الحلاو إلي ناكله ؟؟؟؟؟ الكل بقول بعد شنو سكر وأشياء حلوة تخلي طعمه ولا في أحلى منه  ولكن ليش في حلاو لونه أصفر والثاني أخضر والثالث أحمر وردي وأزرق ووووووووو..... إلخ

تدرون شنو السبب ؟؟؟؟؟؟؟؟؟؟

أنا أقولكم الألوان الصناعية إهي السبب والكل يعتقد إنها بس تعطي لون حلو حق الحلاو تخلي الناس تنجذبله ولكن للأسف الألوان هذي لها أضرار أكثر من نفعها ..... بتقولون إحنا كل ما أكلنا شي قلتوا مو زين في شي ؟؟؟؟؟؟؟؟

محد يقولك لا تاكل حلاو بس على الأقل اعرف شنو قاعد تاكل وإذا كنت تاكل الشي هذا بكثرة قلل منه عشان تحمي نفسك واحنا اهني خايفين عليك ولا جان ماكتنا الموضوع هذا 

في كل حلاو تشتريه أو تفكر إنك تشتريه لف القرطاس وشوف الموكونات وتعال شوف عند الألوان الصناعية وشوف لستت الألوان طبعا أهم راح يحطون لك رموز مثل E102, E107, E110 ........ ألخ إنت ماتدري شنو هذي وأنا كنت مثلكم مادري شنو هذي ......


ولكن إلى أن طاحت بإيدي ورقة مسويتها الدكتورة نداء الخميس من كلية التربية بجامعة الكويت ألا وهي حصر رموز الألوان الصناعية والاضطرابات إلي تسببها جنه واحد صاكني طراق لما قريت الورقة وقعدت أطالع الحلاو إلي آكله أو اخواني الصغار يشترونه ...... تخيلو إن في كاكاو الكل تقريبا يحبه ماني قايل اسمه فيه سبع ألوان صناعية كلها لها آثار سلبية علينا !!!!!!!!!!!!!!!!!!!!!!!!!!!

طبعا عائلة E من الألوان الصناعية وهي غالبيتها أو خل نقول الأساسية في هذه الاضطرابات تسبب مايقارب 37 اضطراب ... نذكر منها على سبيل المثال لا الحصر :

1: أورام مختلفة ( يكافينا الشر ) .
2: تلف كروموسومي ( تغيير في الجينات).
3: مرض الحكاك والطفح الجلدي .
4: النشاط المرضي المفرط .
5: حساسية وما أطول لستت الألوان إلي تسببها .
6: يسبب أو يزيد من حدة الربو .
7: السرطان ( الله يجيرنا وإياكم ).
8: وهناك إضافات لا يسمح استخدامها في أغذية الأطفال . نسأل نفسنا إهني ليشششش؟؟؟؟ إذا تسبب حق الأطفال شي أكيد تسبب للبالغين صح ؟؟؟؟
9: اضطرابات معدية أو معوية .
10 : اضطرابات في الكلية أو اضطرابات بولية .
11: غثيان وقيئ.
12: الصداع والشقيقة.
13: تشوهات في الأجنه.
14: دوخة .
15: تقلص شعبي أو صعوبة في التنفس .
.................................................. ................. طبعا باقي كثير من الاضطرابات ماقدر إني أذكرها عشان لا يطول الموضوع وايد .....

فيجب علينا قبل مانشتري أي شي خل نتأكد منه شنو هذا وشنو فيه وهذي المواد ليست مقتصرة على الحلويات وإنما يمكن إضافتها لمواد غذائية أخرى ....

الله يسلمك يالحبيب ... تم قبول مرورك